01
痛點研究
開始之前，我哋會先同你做一次深入研究，搵出目標家長／學生真正擔心嘅痛點，具體到講得出佢哋日日唸緊嘅問題。點解呢步咁重要？因為現代人注意力好短：廣告出現嗰幾秒講唔中佢關心嘅事，佢已經碌走咗
痛點捉得越準，對方搵你嗰刻已經覺得「你明我」，開口傾嘅興趣同意向，自然高好多
Henry Ng
創辦人 · TRN Media
點解揀教育？
我喺香港長大，自己都係補習社湊大嘅學生，好清楚一個好老師可以點樣改變一個細路。我見得最多嘅係：教得好嘅中心，學生唔一定長期多，因為開中心嘅人多數係老師出身，教書叻，但冇時間亦冇心機研究點樣搵學生。我嘅角色好簡單：你專心教，搵學生嘅事交畀我
每一個客都由我親自主理：方向我度、每個廣告出街前我把關、廣告成效我日日睇。你唔會被交畀邊個「跟開你嗰位同事」，同你對接嘅一直會係我
我睇重真正嘅夥伴關係：有問必答、數據透明、溝通唔使靠估。你嘅收生數字，就係我嘅成績表。希望可以陪你間中心一路做大！
好多中心搵唔到學生，
唔係因為教得差
大部分中心都係靠口碑同人傳人收生。人傳人係好，但唔穩定，你控制唔到幾時有新學生、有幾多。旺季未必夠，淡季更加冇保障
空咗一半嘅課室，好似即時無問題，但係租金要照交、人工照出。你以為頂多一兩個月就會有好轉，轉眼間一個學期就咁過咗
最難頂嘅係，你明明教得好。留低嘅家長會多謝你，學生成績都真係有進步，但點都搵唔到方法有效咁搵新學生。拖得越耐，選擇越少，最後多數只剩兩條路：減價，或者硬頂
收生系統
02
廣告製作
影片、圖片、文案，全部我哋度橋、我哋做，你唔使再花時間。廣告設計由第一步搵到嘅痛點出發，講對方真正緊張嘅事，令佢一睇就覺得「呢個講緊我」
靚唔等於有效。花好多心機做出嚟嘅廣告，效果反而未必好。家長／學生唔會因為張圖靚而查詢，只會因為你講中咗佢心中最想解決嘅問題
03
自動跟進
我哋會幫你設置一個 AI WhatsApp 回覆助手，做好兩件事：第一，每個查詢都即時回覆，語氣自然、似真人，對方唔會覺得自己同緊機械人講嘢。第二，自動發送個人化跟進：根據每個對話傾過嘅內容，喺啱嘅時機再接觸，一路跟到約試堂
日常查詢佢即刻覆；需要真人傾嘅環節，例如預約時間、特別安排，佢會自動交棒，同時通知你
唔想等？直接 WhatsApp 問我
唔使填表、唔使等。有咩想知，即刻傾
我哋只做教育行業
網上定實體、大人定細路、學術定興趣，只要係
教育同學習嘅生意，我哋都幫到
文憑試補習教師培訓海外升學
理科創科幼兒教育音樂學院
英文中心美術學校成人進修
網上課程興趣班遊學
實體中心
補習社、學習中心、興趣班，靠街坊同轉介，需要一條穩定嘅新客渠道
網上課程
網課、直播班、訂閱制，冇地域限制，但更加需要精準咁搵啱人
成人課程
專業證書、教師培訓、語言進修，買嘅係前途，決策周期長，跟進最緊要
藝術 / 興趣愛好
美術學校、音樂學院、課外活動，賣嘅係體驗，廣告要令家長一睇就想帶小朋友嚟試堂
想知我哋嘅系統
可唔可以幫到你？
歡迎喺下面揀個時間，預約免費諮詢